Терминот може да се сретне преведен и како ангел инвеститор, меѓутоа бизнис ангел е почесто користен и полесно препознатлив.

Бизнис ангели (можат да се сретнат уште и како ангели, ангел инвеститор или неформален инвеститор) претставуват уште еден интересен терминолошки израз кој е даден со цел да се добие еден впечатлив назив, кој е полесен за паметење, а претставува синоним за финансиери.<br /><br />Односно тоа е начин на финансирање и претставува неформален ризичен капитал. Финансиер може да биде поединец или група. Тоа се луѓе кои имаат вишок на финансиските средства и кои се спремни да го инвестират во поединецот или во регионот преку најповолни услови. Најчесто парите ги заработиле (а можеби се уште заработуваат) како сегашни или бивши менаџери (директори), спортисти, естрадни звезди (пејачи, актери, режисери...), лекари, адвокати и другите високоплатени професии. Заради својот бекграунд, бизнис ангелите освен во финансиите можат да помогнат и во другите аспекти на бизнисот во зависност од нивната експертиза (како на пример, информации и know-how за тоа како да го направат бизнисот успешен). Оваа е дополнителна придобивка за претприемачите кои се врзуваат со бизнис ангели.<br /><br />Овие финансиери претежно се сентиментално врзани за личност или региони (роднини, приатели, роден крај или некој предел кој оставил големи импресии на одреден финансиер цо одреден дел од неговиот живот).