محترم بھائی عتیق۔
میرا تو یہی مشورہ ہے کہ آپ اس کو ٹرانسلیٹریٹ کر کے ساتھ بریکٹوں کے اندر اس کی سادہ زبان میں وضاحت فراہم کر دیں تاکہ قاری کو کم ازکم پتہ تو چلے کہ یہ چیز کیا ہے۔ پوری دستاویز کے اندر سلیس زبان
میں وضاحت ایک مرتبہ ہی آغاز میں کافی ہو سکتی ہے۔
اردو زبان کی خوبی کہیں یا خامی مگر یہ انگریزی زبان سے بالخصوص تکنیکی اصطلاحات بڑی آسانی سے قبول کر لیتی ہے۔
یہ بھی حقیقت ہے کہ اردو کے اپنے الفاظ اپنے پس منظر میں بعض اوقات اتنے جامع نہیں ہوتے کہ وہ انگریزی زبان کے تکنیکی الفاظ کے مکمل پس منظر کے ساتھ معانی قاری تک پہنچا سکیں۔ مثلا اگر آپ پچکاری کا لفظ استعمال کرتے ہیں تو انجیکٹر سے زیادہ قاری کا ذہن منہ سے نکلنے والی پان کی پچکاری کی جانب مبذول ہو جائے گا۔ لہذا قاری کو ہر طرح کے ابہام سے بچانے کے لیے میں آپ کو مندرجہ بالا سلیس ترین اور بالکل واضح ترجمہ استعمال کرنے کا مشورہ دے سکتا ہوں۔